Majhi Ladki Bahin Yojana 2024 महिलांना मिळणार 1500 रुपये महिना महाराष्ट्र सरकार- असे करा आवेदन

Admin
•

Majhi ladki bahin yojana important documents : महाराष्ट्र सरकारने मुख्यमंत्री माझी लाडकी बहीण योजनेच्या नियमांमध्ये आणखी सुस्पष्टता आणली असून, रेशन कार्डवर नाव नसलेल्या महिलांसाठी पर्याय उपलब्ध करून देण्यात आला आहे.

Majhi ladki bahin yojana important information in marathi : मुख्यमंत्री माझी लाडकी बहीण योजना महाराष्ट्रात १ जुलै २०२४ पासून लागू करण्यात आली आहे. ३१ ऑगस्ट २०२४ पर्यंत योजनेसाठी अर्ज भरण्यात येणार आहे. महाराष्ट्र शासनाने योजनेसाठी काही निकष निश्चित केले आहेत. आता या निकषांमध्ये आणखी बदल करण्यात आले असून, 12 जुलै २०२४ रोजी नवीन शासन निर्णय काढण्यात आला आहे. त्यामुळे ज्या महिलांचे रेशन कार्डवर नाव नाही, अशा महिलांनाही योजनेसाठी अर्ज भरता येणार आहे. (Eligible women who do not have name on the ration card can apply for the Mukhyamantri Majhi Ladki bahin Yojana)

 

मध्य प्रदेशनंतर महाराष्ट्र सरकारने माझी लाडकी बहीण योजना राज्यात लागू केली आहे. या योजनेतंर्गत पात्र महिलांना महिन्याला १५०० रुपये, तर वर्षाला १८००० रुपये दिले जाणार आहे. या योजनेचा लाभ घेण्यासाठी काही निकष निश्चित करण्यात आले आहेत.

 

Majhi Ladki Bahin Yojana : रेशन कार्डवर नाव नसेल, तर कोणते कागदपत्र द्यावे लागणार?

महाराष्ट्र सरकारने अर्ज करणाऱ्या महिलांकडे उत्पन्न दाखला नसेल, तर पिवळे किंवा केशरी रेशन कार्ड असेल तरीही पात्र ठरवले जाणार, असे शासन निर्णयात म्हटले होते.

 

महत्त्वाची गोष्ट म्हणजे अर्ज करणाऱ्या महिलेचे बँकेत खाते असणे आवश्यक करण्यात आले आहे. त्यातही सरकारने एक बदल केला असून, पोस्टातील बँक खातेही ग्राह्य धरले जाणार आहे. याचबरोबर इतरही महत्त्वाचे बदल करण्यात आले आहेत. ते खाली दिलेल्या शासन निर्णयात वाचा…

 

नारीशक्ती दूत अ‍ॅपवरून भरा अर्ज 

मुख्यमंत्री माझी लाडकी बहीण योजनेचा अर्ज भरण्यासाठी सर्वात आधी तुम्हाला अ‍ॅप डाऊनलोड करावं लागेल. नारीशक्ती दूत असे या अ‍ॅपचे नाव आहे.

अ‍ॅप डाऊनलोड केल्यानंतर आधी तुमचा मोबाईल नंबर टाका. अटी आणि शर्थी या बटणवर क्लिक करा. त्यानंतर लॉगिन बटणावर क्लिक करा.

 

आता चार अंकी ओटीपी तुमच्या मोबाईलवर येईल. तो टाका आणि व्हेरीफाय ओटीपी या बटणावर क्लिक करा.

आता तुमचे प्रोफाईल भरा. म्हणजे तुमचे नाव, तुमचे गाव, जिल्हा आणि पत्ता. अशी सगळी विचारलेली माहिती भरा. नारीशक्ती या रकान्यात सामान्य महिला हा पर्याय निवडा.

अर्ज भरून झाला की महिलांच्या योजना यावर क्लिक करा. माझी लाडकी बहीण योजना या पर्यायावर क्लिक करा.

आता तुमचा संपूर्ण अर्ज भरा. यात परत नाव, पतीचे नाव, जन्म तारीख, पत्ता अशी सगळी माहिती टाका.

सगळी आवश्यक असलेली कागदपत्रे अपलोड करा. यात आधार कार्ड, रहिवाशी प्रमाणपत्र, उत्पन्नाचा दाखला तो नसेल तर रेशन कार्ड, अर्जदाराचे हमीपत्र, बँक पासबुक आदी. आणि नंतर फॉर्म सबमिट करा.